Temirov Gonkongdagi dastlabki sovrinini yutdi

Gonkong chempionatida to‘p surayotgan yagona hamyurtimiz Sherzod Temirov u erdagi dastlabki sovrinini qo‘lga kiritdi.

“Kitchi” jamoasida to‘p surayotganiga hal ko‘p vaqt bo‘lmagan futbolchimiz Gonkong Kubogi finalida “Li Man”ga qarshi bahsda jamoasi bilan birgalikda zafar quchdi.

Yarim finalda “Kitchi” 5 ta gol urgan va uning 2 tasi Temirov hisobiga yozilgan bo‘lib, jamoasining finalga chiqishiga o‘z hissasini qo‘shdi. Hal qiluvchi bahsda u zaxiradan maydonga tushirildi va penaltilar seriyasida “Kitchi” g‘alaba qozondi.