"So‘g‘diyona" Shvetsiya chempionatida o‘ynagan hujumchini olib keldi

Yangi mavsumda o‘z oldiga yuksak maqsadlar qo‘ygan "So‘g‘diyona" yangi transferlar amalga oshirishda davom etadi.

"So‘g‘diyona" nigeriyalik hujumchi, Shvetsiya chempionatida o‘ynagan 32 yoshli Joxn Junior Igbaruma bilan bir yillik shartnoma imzoladi. Bu xususida klub matbuot xizmati xabar bermoqda.

Ma’lumot o‘rnida, Joxn Junior Igbaruma 2024 yilgi mavsumda Shvetsiyaning "Sandvikens" jamoasi safida 29 uchrashuvda maydonga tushib, raqiblar darvozasiga 8 marotaba yo‘l topishga erishgan. 

Joxn Junior Igbaruma faoliyati davomida Shvetsiyaning "Sayrianska", "Sandvikens", "Karlstad Yunayted", "Sirius", "Dalkurd" jamoalarida to‘p surgan. Uning oxirgi jamoasi "Sandvikens" hisoblanadi.