Shaxmat. Javohir Sindarov xalqaro turnirda ikkinchi o‘rinni egalladi
- 26-август 2022, 23:09
- Javokhir Azimov
- 2
- Shaxmat
Musobaqada 31 mamlakatdan kelgan 148 nafar shaxmatchi g‘oliblik uchun bahs olib borishdi. Ular orasida FIDE tasnifida yuqori o‘rinlarni egallab turgan xitoylik Vang Xao (2735 reyting ochkosiga ega), rossiyalik Evgeniy Tomashevskiy (2702), Hindiston vakili Arjun Erigaisi (2689) kabi ancha nomdor grossmeysterlar ham bor edi.
Xalqaro turnirda qatnashgan iste’dodli shaxmatchimiz Javohir Sindarov 9 imkoniyatdan 7 ochko jamg‘ardi va yakunda 2-o‘rinni egalladi. 1-pog‘onani esa 7,5 ochko jamg‘argan hindistonlik Arjun Erigaisi band etdi. Kuchli uchlikka Niderlandiya vakili Jorden Van Forest yakun yasab berdi.
Shuningdek, Abu-Dabi turnirida yana bir nechta shaxmatchimiz o‘z imkoniyatlarini sinovdan o‘tkazishdi. Unga ko‘ra, Nodirbek Yoqubboev 6,5 ochko bilan 5-o‘rindan joy olgan bo‘lsa, 6 ochko jamg‘argan Shamsiddin Vohidov 20-pog‘onani band etdi. 5,5 ochko to‘plagan Nilufar Yoqubboeva 40-pog‘onani egalladi.