Sergey Lushchan: "Siz jurnalist singari, men murabbiy sifatida fikrlaymiz"

Superligada 23-tur o‘yinlari davom ettirildi. "Navbahor" jamoasi bu tur safarda "Olimpik"g qarshi bahs olib bordi va 2:1 hisobida g‘alaba qozondi. Bellashuvdan so‘ng jamoa bosh murabbiyi Sergey Lushchan matbuot anjumanida ishtirok etdi.

- Biz raqibdan kutgan narsamizni maydonda ko‘rdik. Ko‘plab iqtidorli yigitlar bor,tarkibda. Yoshlar katta hajmdagi ishni bajarish yordamida tajribali futbolchilarga qarshi jang qilishdi. Ular tezkor, katta maqsadlarni oldiga qo‘ygan futbolchilar. O‘yin qiyin va shu bilan birgalikda qiziq o‘tdi. Raqib jamoasi ustoziga ham tashakkur. Yaxshi kelajak etishib chiqmoqda. G‘alaba qozondik. Bundan xursandman. 

- Markaziy himoyachilaringizni o‘yini haqida fikringiz?

- Ular tezkorlik ko‘rsatgani sababli markazni boy bergan bo‘lishimiz mumkin, ammo Azimov - Jokich tandemidan kimdir qochib ketganini ko‘rmadim. Raqib 3-4 ta yarimta imkoniyat yaratdi. "Olimpik"ni hali birorta klub bilan o‘yinda bir bosh past harakat qilganini ko‘rmadim.

- "Navbahor"da Kubokdan keyin motivatsiya qoldimi?

- Bu narsani men kuzatganim yo‘q. Professional futbolchi o‘zi uchun motovatsiya topishi kerak. Agar kimdir mashg‘ulotlarda yarim kuch bilan ishlasa, u butsalarini mixga ilishi kerak. 20 yoki 30 yosh ekanligini farqi yo‘q. 

- Keyingi turda "Navbahor" "Paxtakor" bilan to‘qnash keladi?!

- Savolingizni tushundim. Siz jurnalist singari, men murabbiy sifatida fikrlaymiz. Bugun boshqa o‘yindan farqli o‘laroq, jang kam bo‘ldimi? Men uchun hamma o‘yinda jang qilamiz. Men uchun "Metallurg" yoki "Paxtakor" bilan o‘yinning farqi yo‘q. Professional futbolchi har bir o‘yinga bor e’tiborini qaratishi lozim.