Sebastyan Fundora raqibini ayab o‘tirmadi

AQShning Las-Vegas shahrida professional boks oqshomi bo‘lib o‘tdi.

Kechaning asosiy jangida birinchi o‘rta vazn toifasida WBC va WBO yo‘nalishlari bo‘yicha jahon chempioni Sebastyan Fundora Chordeyl Bukerga qarshi ringga ko‘tarildi. O‘n ikki raund etib belgilangan bahs muddatidan oldin yakunlandi. Fundora raqibini 4-raundda texnik nokaut evaziga mag‘lub etdi.

Ma’lumot uchun, hamyurtimiz Isroil Madrimov ham o‘z janglarini aynan ushbu divizionda o‘tkazadi.

Bu haqda O‘zbekiston professional boks federatsiyasi xabar bermoqda.