Saul Alvares faoliyatini qachon yakunlaydi?

WBC, WBA va WBO yo‘nalishlari bo‘yicha jahon chempioni Saul "Kanelo" Alvares faoliyatini qachon yakunlashini aytdi.

"Boksda ko‘p yutuqlarga erishdim. Barcha eng yaxshi jangchilar bilan ringda tengma-teng kurashdim. Turli vazn toifalarida ko‘plab unvonlarni qo‘lga kiritdim. Menimcha, endi to‘xtash vaqti kelmoqda. O‘ylashimcha, 37 yoki 38 yoshda qo‘lqoplarimni mixga ilsam bo‘ladi" - deya meksikalikning so‘zlarini keltirdi "TMZ".

Eslatib o‘tamiz, 35 yoshli Alvares navbatdagi jangini 3 may kuni Uilyam Skullga qarshi o‘tkazadi.