Sarrim: Buffon hamon top darvozabon ekanligini isbotladi

"Yuventus" ustozi Mauritsio Sarri Italiya Kubogi 1/4 final "Roma"ga qarshi o‘yin haqida o‘z fikrlari bilan o‘rtoqlashdi.

"Birinchi bo‘limni juda yaxshi o‘tkazdik. Ammo ikkinchi taymda paslar bilan yaxshi o‘ynay oladigan jamoaga qarshi to‘p surdik.

Buffon bir nechta ajoyib seyvlarni ijro etdi. Bu bilan u hamon top-darvozabon ekanligini isbotladi. Duglas Kosta esa o‘yinni to‘liq o‘tkaza olishga tayyor emas edi.

Aleks Sandroning jarohati bor edi, Kuadrado esa gripp. Shu sabab qanot himoyamizda kadrlar muammosi bor, ammo bu chiziqda biz Matyuidi xizmatlaridan foydalanishimiz mumkin", - deydi Sarri.