Sardor Rashidov qaerda?

Tajribali futbolchi Sardor Rashidovsiz Superliga xuddi zerikarli bo‘lib qolgandek. Har holda tajribali yarim himoyachi o‘ynagan paytlarda chempionatda o‘z o‘rniga ega edi.

Bilasiz, Rashidov joriy mavsumni “Paxtakor” klubida boshlagandi. Yozda esa u erkin agentga aylandi. Shundan beri futbolchini biror-bir klubda ko‘rganimiz yo‘q.

Xo‘sh, Sardor 2024 yilni qaysi klubda boshlaydi? Bu savol muxlislarni qiziqtirayotgani rost. Kuni kecha o‘zi bilan bog‘langanimizda hozir Dubayda shug‘ullanayotganini ma’lum qildi hamda variantlar kutayotganini qo‘shimcha qilib o‘tdi.

Uni yangi mavsumda O‘zbekiston Superligasida yoki xorijda yana legioner sifatida ko‘rishimiz mumkin. Voqealar rivojini kuzatishda davom etamiz.