Samvel Babayan: "Andijoncha shijoat yetishmayapti"

“Андижон” – “Навбаҳор” (0:1) ўртасидаги ўйиндан кейинги матбуот анжуманида мезбонлар бош мураббийи Самвел Бабаян матбуот анжуманида журналистларнинг саволларига жавоб қайтарди.

- Кетма-кет учинчи ўйин ва унинг охирида гол қўйиб юбориш аламли. Бундай учрашувлар бизга дарс бўляпти. Бу менинг фаолиятимда биринчи бор содир бўлмоқда. Йигитлар жуда катта меҳнат қилишди. Жуда ачинарли ҳолат. Ўйинни  70-дақиқасигача ҳақиқий тажовузкор, ҳужумкор футболни кўрдик. Кейин баъзи нарсалар ўзгариб кетди. 2-бўлим бошида рақибни қамраб олишимиз, уларга нисбатан тажовузкор ҳаракат қилишимиз керак эди. Қандайдир тушунмовчилик бўлди, симулция ҳолати вақти, қандайдир бизни тўхтатиш учун. Аламлиси, охирги дақиқада гол ўтказиб юбориш бўлди. Бу ҳолатда назоратни йўқотдик. “Қизилқум” билан бурчак тўпида ҳам шундай бўлган эди. “Насаф” билан ўйинда эса тезкор қарши ҳужумни ўтказиб юборгандик. Кўп муҳокама ва таҳлил қилмоқдамиз, назоратни бошидан охиригача ушлаб туришни иложи бўлмаяпти. Йигитларга ва мухлисларга аламли мағлубият бўлди. Биз албатта вилоят раҳбариятининг ишончини оқлашга ҳаракат қиламиз, ҳаммаси бошқача бўлиши керак. Мағлубият сабабини чуқур таҳлил қиламиз. Бу йигитлар, бу жамоа кўп нарсаларга қодир, юқори натижаларга лойиқ. Ўйлайманки, вазиятни яхшилаш имкониятимиз бор. Вазиятни тўғрилаш учун ҳали вақт бор. Ҳаммаси ўзимизни қўлимизда. Раҳбарият билан гаплашишимиз, кейинги ҳолат қандай бўлиши, вазиятдан чиқиш ҳақида ўйлаб кўрамиз.

- Остон Ўрунов билан боғлиқ вазият ҳақида тўхталсангиз. У қачон жамоа сафида майдонга тушиши мумкин?

- Бу борада яхши алоқада бўлиб турибмиз. Бу ҳолатга жуда яқинмиз. Бугун биз улгурмадик. Яқин кунларда, кейинги ўйинларга бурилиш бўлади. Уни майдонга тушиши учун ташкилий ва ҳуқуқий томонлари бор. Футболчи ва иккала жамоа, ҳамма қилиш керак бўлган ишларни бажарди. Фақат биргина ташкилий ФИФА томонидан рухсат бериши керак. Менимча, кейинги ўйинларгача бу масала ҳал бўлади.

 

- Жамоа сафида яхши савиядаги ўйинчилар йиғилган. Бироқ олдинги чизиқда етарлича вазиятлар бўлмаяпти.

- 70-дақиқагача тажовузкор, қанотлар билан уюштирилган футбол кўрдик. Кейин биз ўйинни янада кучайтирмоқчи эдик. Учинчи бор ўйинни ютиш мақсадида бир қатор ўзгаришларга ҳам қўл урдик. Афсуски, бунинг тескариси бўлди. Доимгидек ҳолат бўлди: “Қизилқум”да, “Насаф”да ва бугун ҳам ўша ҳолат такрорланди.

Ҳамма ҳам “Андижон”да ўйнай олмайди. Доим босим остида. Ҳа, яхши ўйин кўрсатилган, кўплаб голлар уришган. Лекин бу сафар жамоада ўхшамаяпти. Балки вақт керакдир, балки руҳий томондан сабаблари бордир. Бу учрашувдан тўлиқ қониқмадик. Барча олинган футболчиларимга ишонамиз, уларни потециалини, нимага қодирлигини ҳам яхши биламиз. Ўйинга яхши тайёргарлик кўришди, аммо уларни тўлиқ кучини майдонда кўрмаяпмиз. Нима етишмаяпти? Андижонча шижоат етишмаяпти. Ўйинлар яхши  ҳаракат қилишди, масалан, Усмонали. Тўғри хатолари бўлди, аммо жон куйдирди, кўп ҳаракат қилди, курашди, жамоа учун. Қўлидан келганича жонбозлик қилди. Худди шундай шижоат керак, бизга. Баъзиларда бу етишмаяпти, бу нима билан боғлиқ, балки вақт мослашув биландир.

- Йил бошида жамоа олдига чемпионлик вазифаси қўйилганди. 6 та учрашувда 6 очко. Бу мақсадга қанчалик эриша оласизлар?

- Бизга чемпионлик мақсади қўйилганини бироор марта эшитмадим. Ундай эмас, чемпионликка йўналтирилган пойдевор қўйилиши керак. Чемпионлик учун жуда кўп ишлар қилиниши зарур. Бизда тажриба бор, мухлисларни хурсанд қиладиган замонавий футбол кўрсатиш мақсад бўлган. Ўйинларда ютқаздик, айниқса, “Нефтчи” билан. Улар билан Б режага ўтиб биринчи бўлимда Боаке гол урганда бошқача бўлар эди. Ҳужумда ўйнашга ўтдик, тезкор гол ўтказиб юбордик. “Насаф” ва “Қизилкум” билан ўйинда ва бугунги баҳсда биз мағлубиятга лойиқ эмас эдик. Бундай ўйинлар орқали жамоа шаклланиб боради. Албатта, таҳлил қиламиз, ишлашда давом этамиз. Чемпионлик ҳақида ҳали анча бор, ўйин сифати ва кадрлар борасида. Ҳозир биз чемпионлик учун жамоани шакллантириб боряпмиз.

- Маҳаллий футболчилардан Сардор Азимов, Абдулвоҳид Ғуломов, Абдураҳмон Комилов сингари футболчилар ўринбосарлар сафида ўйнашмоқда. Улар нима учун ўринбосарлар жамоасига ўтказилди?

- Майдонда ҳозир фақат кучлиларгина тушишмоқда. Маҳаллий ёки четдан келган фарқи йўқ, кучлигигина чиқиб ўйнайди. Бугун Усмонали ўзини оқлади, майдондаги меҳнати билан. Ажратмаймиз, биз бир жамоамиз.

- Чемпионлик учун пойдевор бўлиши керак деяпсиз. Шу нарсани шартнома тузилишидан аввал ҳаммасини келишиб олганмисиз? Шунингдек, футболчиларга водийда ўйнаш осон эмас дедингиз. Сиз ҳам ўша босимни ҳис қиляпсизми?

- Албатта, босим бўлади. Биз ютқаздик. Лекин ўйин ташкил қилиш ва яна бир қатор муҳим жиҳатлар бўйича ўз мўлжалимиздаги ўйинимизни кўрсата олдик. Ютқазган бўлсак-да, футболчиларга ўйин учун раҳмат айтаман. Фақат охирида назоратни йўқотдик, қандайдир майда факторлар етишмаяпти. Инфраструктура ҳақида гапирсам, бу борада юқори ўринларда туришга муносиб даражадаги жамоа дейишим мумкин. Клубда яхши ишлар амалга ошириляпти. Жамоа лидер бўлишга лойиқ. Бу борада катта ишлар бор. Ҳали биз Эрон жамоаларидаги ўйинчиларни жалб қилиш бўйича ҳамма жамоалар ичида биз биринчи бўшлиб ишларни бошладик. Бу жамоанинг иши, ҳужжат алмашиш, келишувлар борасида жамоа директори актив ишлар олиб бормоқда. Жамоа олдинга интилиши, юқори чўққиларга олиб чиқиш ҳам мени асосий миссиям. Клубни кўтариш учун озгина вақт керак, лекин менда кўп вақт йўқ. Тезроқ бажариш керак. Албатта, бундай натижа қайд этилаётганидан раҳбарият ва мухлислар олдида менга ноқулай,  ачинарли ҳолат. Ишонч бўлса, вазиятни ўнглашга вақт бўлади. Ўз вазифамни шараф билан бажаряпман, дам олмасдан эрталабдан кечгача ишлаяпман, бизда дам олиш куни йўқ. Биринчи марта бундай бўляпти. Тўғриси, бу омадга боғлиқ. Фаолиятимда охирги дақиқаларда енгилиш биринчи марта учраяпти. Аксинча, мени жамоам охирги дақиқаларда вазиятни ҳал қилиб кетган, ҳозир аксинча ҳолат. Агар ишонч бўлса, “Андижон” ўзбек футболида ўз ўрни ва салоҳиятига эга бўлган жамоа бўлади, ҳали.