Bundesligada ishtirok etayotgan “Köln” jamoasi futbolchisi Said El Mala yozgi transfer oynasi davrida Angliyaning “Brayton” klubiga o‘tishga rozilik bergani haqida xabarlar tarqaldi.
Ma'lum qilinishicha, futbolchi shaxsiy shartlar bo‘yicha “Brayton” bilan kelishuvga erishgan va transfer amalga oshishi ehtimoli oshib bormoqda. Endi klublar o‘rtasida so‘nggi moliyaviy masalalarni hal qilish qolgan xolos.
Xabarlarga ko‘ra, ushbu transferning ehtimoliy qiymati taxminan 35 million evroni tashkil qilishi mumkin. “Köln” klubi ham bu taklifni ko‘rib chiqmoqda va kelishuvga rozilik berishga tayyor.
Said El Mala joriy mavsumdagi o‘yini bilan ko‘plab klublar e'tiborini tortgan va uning Angliya Premier-ligasiga o‘tishi uning karerasidagi navbatdagi muhim qadam bo‘lishi mumkin.