“Roma” futbolchilari “Napoli” yulduzini yig‘latdi!

A Seriyaning 33-turidan o‘rin olgan “Napoli” va “Roma” uchrashuvidan keyin mezbonlar yulduzi Lorentso Insine o‘zini tutib turolmadi va yig‘ladi.

Gap shundaki, tajribali hujumchi uchun joriy mavsum neapolliklar safidagi oxirigisi. 31 yoshli futbolchi katta futbolga qadam qo‘yganidan beri Neapol klubi sharafini himoya qilib kelmoqda va hali biror marta skudettoni qo‘lga kiritmagan.

Insine jonajon jamoasini chempion sifatida tark etmoqchi. U “Roma”ga qarshi uchrashuvda hisobni ochib g‘alabaga umid qilgan edi. “Napoli” uch ochkoni qo‘lgan kiritgan taqdirda skudetto uchun kurashish imkoniyatini saqlab qolar edi.

Lekin kuchli raqib bilan oxirigacha kurashgan “Roma” futbolchilari so‘nggi daqiqalarda to‘p kiritib, Insinening orzusini armonga aylantirdi.

Tajribali o‘yinchi sifatida Insine yo‘qotilgan uch ochkoning qadri mavsum oxirida bilinishini juda yaxshi anglaydi. Shuning uchun ham u o‘yindan keyin hissiyotlarini ushlay olmaydi. Lorentso ko‘zlari yoshga to‘lgan holda maydonni oxirida hammadan keyin tark qildi.

Lorentso Insine faoliyatining boshida ijara asosida “Kaveze”, “Fodja”, “Peskara” kabi jamoalarda o‘ynab, 2012 yildan “Napoli”ning asosiy tarkibiga kiritildi.

Insine joriy mavsumda barcha turnirlarda 32 ta uchrashuv o‘tkazib, 11 ta to‘p kiritdi va sakkizta assistni amalga oshirdi.

Lorentso neapolliklar bilan shartnomasi yakunlanganidan keyin shu yilning iyul oyida AQSh va Kanada qo‘shma chempionatiga yo‘l oladi. Italiyalik hujumchi “Toronto” jamoasi bilan to‘rt yillik shartnoma imzolagan.

Insine o‘n yildan beri Italiya terma jamoasi a’zosi hisoblanadi. Jami 54 ta bellashuvda 10 ta gol urgan hujumchi o‘tgan yozda terma jamoa safida Evropa Chempioni bo‘ldi.

“Roma”ning yoqimli seriyasi davom etadi

“Roma” mavsumning ikkinchi yarmida A Seriyadagi eng muvaffaqiyali jamoa bo‘lib turibdi.

Joze Mourino shogirdlari “Napoli” maydonidan 1:1 hisobida durang o‘ynab qaytganidan keyin “Roma”ning A Seriyadagi ketma-ket mag‘lubiyatsiz o‘yinlari soni 12 taga etdi.

Bu uchrashuvlardan ettitasida rimlik futbolchilar raqiblarni mag‘lubiyatga uchratdi. Beshta o‘yinda kuchlar teng keldi.

“Roma” so‘nggi bor 9 yanvar kuni “Yuventus”ga 3:4 hisobida mag‘lub bo‘lgan.

Bundan tashqari, poytaxtlik “bo‘rilar” UEFA Konferentsiyalar ligasidagi yurishini ham davom ettirmoqda. Mourino shogirdlari xalqaro turnirning yarim finalida Angliyaning “Lester” jamoasi bilan raqobatlashadi.

To‘rtinchi o‘rinni tortib olamiz

“Napoli” maydonida bo‘lgan bellashuvning so‘nggi daqiqasida mezbonlar darvozasini ishg‘ol qilib, “Roma”ni muqarrar mag‘lubiyatdan qutqarib qolgan Stefan El-Shaaravi bahsdan keyin o‘z fikr-mulohazalari bilan o‘rtoqlashdi.

- G‘alaba qozonishga bo‘lgan shunday ishtiyoq bilan o‘ynashda davom etsak, uzoq marralarni ko‘zlab, maqsadlarimizga etishishimiz mumkin.

O‘yin og‘ir bo‘ldi, lekin biz ko‘prog‘iga loyiq edik.

So‘nggi daqiqalarda urilgan gol biz oxirigacha kurashishimizdan va kerakli natijani qo‘lga kirita olishimizdan dalolat beradi.

Chempionlar ligasiga yo‘llanma beradigan to‘rtinchi o‘rin uchun matematik jihatdan imkoniyatimiz bor. Bunga chin dildan ishongan holda harakat qilishimiz kerak, - dedi Stefan El-Shaaravi.

“Roma”ning tajribali himoyachisi Kris Smolling ham uchrashuv qahramoni fikrini tasdiqladi.

- Agar shu taqlid muvaffaqiyatli o‘yinlarni davom ettirsak, musobaqa jadvalida bizdan yuqorida turgan jamoalarga bosim uyushtirshimiz mumkin bo‘ladi. Buning uchun oldinda muhim o‘yinlar bor, - dedi angliyalik himoyachi.

Shomurodovni o‘ynatmagan Mourino o‘yindan keyin keskin fikr bildirdi

O‘zbek hujumchisi bunday o‘ynashida Evropaning kuchli chempionatlariga ketadi!

Evropadagi ligada biz bilgan va bilmagan legionerlarimiz...

O‘zbekiston terma jamoasi futbolchisi Rossiya premer-ligasi klubi bilan uzoq muddatli shartnoma imzoladi!

Mourino qilgan ishni Evropada birorta murabbiy uddalay olmagan

O‘zbek legioneri gol ursa, bu jamoa yutqazmayapti!

Mourino bitta qo‘ng‘iroq bilan katta transferni hal qildi!