Robben debyut uchrashuvida jarohat oldi

"Groningen" klubi hujumchisi Aren Robben jarohat oldi. Bu haqda klub rasmiy sayti xabar tarqatmoqda.

36 yoshli futbolchi Gollandiya chempionatining 1-turida PSVga qarshi bellashuvda jarohat oldi va 30-daqiqada zaxiraga olindi. E’tiborlisi, bu Robben uchun faoliyatini tiklagach, o‘tkazgan ilk rasmiy uchrashuvi bo‘ldi.

Robben asli "Groningen" klubi tarbiyalanuvchisi hisoblanadi. U faoliyati davomida PSV, "Chelsi", "Real" va "Bavariya" klublarida to‘p surgan.