“Real” hech kim tanimagan murabbiyni olib keladigan bo‘ldi

Futbolchilar ishonchini qozona olmagan Alvaro Arbeloa o‘rniga bosh murabbiy qidirayotgan “Real” rahbariyati joriy mavsum yakunlangandan keyin Bundesligadan mutaxassis olib keladi.

So‘nggi ma’lumotlarga qaraganda, madriddliklarga “Shtutgart” bosh murabbiyi Sebastyan Hyones nomzodi ma’qul tushgan va jamoa boshqaruviga aynan u kelishi kutilmoqda.

Ta’kidlash joizki, “Real”ning UEFA Chempionlar ligasidan chiqib ketgani va ichki chempionatda “Barselona”dan ortda qolayotgani rahbariyatga jiddiy bosim o‘tkazmoqda. Shu sabab yangi murabbiy izlanyapti.

Nemis mutaxassisi asosiy nomzod sifatida qaralmoqda. Uning o‘yin uslubi va “Shtutgart”dagi muvaffaqiyatlari “Qirollik klubi” rahbariyatini hayratga solgan.

Mutaxassisning amaldagi shartnomasi 2028 yilning 30 iyuniga qadar amal qiladi. Demak, uni Madriddga olib kelish uchun muayyan miqdori badal puli talab etiladi.

Hyones 2023 yildan buyon “Shtutgart”ni boshqarib kelmoqda. Uning qo‘l ostida jamoa o‘tgan yili Germaniya kubogini qo‘lga kiritgan.