Povetkin - Uayt jangi muddatidan avval yakunlandi

Hozirgina, WBC vaqtinchalik chempionlik kamari uchun rossiyalik Aleksandr Povetkin va britaniyalik Dillian Uayt bahs olib bordi. Ushbu sportchilar o‘rtasida ikkinchi bor tashkil etilgan qarama-qarshilikda Uaytning qo‘li baland keldi. 

4-raundda Dillian bir qator kuchli zarbalarni yo‘lladi va Povetkin jangni davom ettira olmadi. 

Bokschilarning ilk bahsida "Sasha" g‘alaba qozongandi. Katta ehtimol bilan, endi ular o‘rtasidagi uchinchi jang ham tashkil qilinadi.