O‘zbek "Ajdar"ining navbatdagi raqibi UFC jangchisi bo‘ladi

 “Ajdar” nomi bilan tanilib borayotgan o‘zbekistonlik mahoratli MMA jangchisi Azamat Nuftillaevni navbatdagi jangi borasida muzokaralar davom etmoqda. Raqib braziliyalik sobiq UFC jangchisi Fabio Maldonado bo‘ladi. Ular Falco Fighting Championship (FFC) turniri doirasida to‘qnash kelishadi. Fabio o‘sha “So‘ngi imperator” deya ataluvchi Fyodor Emelyanenko bilan EFN 50 turnirida qanday jang olib borganligidan xabaringiz bo‘lsa kerak. Qolaversa, faoliyati mobaynida hozirgi kunda UFC ning og‘ir vazn toifasini amaldagi chempioni Stipe Miochich, Kuinton Jekson, Ivan Shtirkov kabi MMA olamidagi mashhur jangchilar bilan to‘qnash kelgan. "CAIPIRA DE ACO" taxallusi bilan mashhur Maldonado UFC promoushenida 11 ta jang o‘tkazgan. U barcha promoushenlarda jami bo‘lib, 40 marotaba oktagonga ko‘tarilib,  ularning 26 tasida g‘alaba qozongan.

Sportchimizning saytimizga bergan ma’lumotiga ko‘ra, ayni kunda har ikkisi jangga tayyor ekanligini, muzokaralar davom etayotganligini, quvonarli jihati O‘zbekiston MMA assotsiatsiyasi mazkur jang va turnirni Toshkentda o‘tkazish borasida harakat qilayotganligini ma’lum qildi.