Osiyo chempionati. Oʻzbekistonning ilk raqibi – Hindiston!

Xitoyning Ordos shahri mezbonlik qilayotgan dzyudo bo‘yicha kattalar o‘rtasidagi Osiyo chempionatining jamoaviy aralash bahslariga qur’a tashlandi. 

Musobaqada qit’amizning 10 ta davlat terma jamoalari ishtirok etadi. O‘zbekiston terma jamoasi o‘z ishtirokini to‘g‘ridan to‘g‘ri 1/4 finaldan boshlaydi. Dzyudochilarimiz qur’a natijasiga ko‘ra, Hindiston terma jamoasiga qarshi bahs olib borishadi.  

Chorak final bosqichida +90, -73, -90, -57, -70 hamda +70 kg vazn toifalarida bellashuvlar tashkil etiladi.