OFK yilning eng yaxshilarini aniqladi. Al Dovsari - eng yaxshi futbolchi, Kim Min Jae esa...

Xabaringiz bor, Doha shahrida Osiyo futbol konfederatsiyasi tomonidan yilning eng yaxshilarini aniqlash marosimi bo‘lib o‘tmoqda. Biroz avval O‘zbekiston futbol assotsiatsiyasi “Yilning eng yaxshi futbol assotsiatsiyasi” nominatsiyasida g‘oliblikni qo‘lga kiritgani haqida xabar bergandik. 

Marosimning keyingi qismlarida yana bir qator nominatsiyalarda g‘oliblar nomi e’lon qilindi. Quyida ular bilan tanishishingiz mumkin:

Eng yaxshi erkak futbolchi - Salim Al Dovsari ("Al Hilol", Saudiya Arabistoni).

Eng yaxshi ayol futbolchi - Sem Kerr ("Chelsi", Avstraliya).

Eng yaxshi erkak bosh murabbiy - Xajime Moriyasu (Yaponiya).

Eng yaxshi ayol bosh murabbiy - Shui Kingxiya (Xitoy).

Eng yaxshi yosh erkak futbolchi - Kuryu Matsuki (Yaponiya).

Eng yaxshi yosh ayol futbolchi - Maika Xamano (Yaponiya).

Eng yaxshi halqaro futbolchi - Kim Min Jae ("Napoli", Janubiy Koreya). 

Eng yaxshi futzalchi - Muslim Oladgobad (Eron).