Odilbek Hamrobekov: Muxlislar to‘la stadionda bosim? Yo‘q, biz huddi “Bunyodkor” stadionida bo‘lganidek muxlislardan energiya olib harakat qilamiz

O‘zbekiston milliy terma jamoasi Osiyo kubogi chorak finalida Qatar bilan kuch sinashadi. Bugun o‘yin oldi matbuot anjumani o‘tkazildi. Unda terma jamoamiz etakchilaridan biri Odilbek Hamrobekov ishtirok etdi. 

- Turnirdagi navbatdagi o‘yinimiz amaldagi chempion va tajribali jamoaga qarshi bo‘ladi. Qatar tarkibida iqtidorli futbolchilar bor. Ular muxlislari qarshisida o‘ynaydi. Lekin biz tayyormiz.

Diyor Holmatov bilan klubda ham birga to‘p tepamiz. Uni juda yaxshi kelajak kutmoqda. Biroq men bilan o‘ynaydigan Otabek Shukurov va Diyor Holmatovni solishtirish to‘g‘ri bo‘lmaydi.

Ertangi bahsda jamoamiz bilan ba’zi nomlar emas, balki Qatarning barcha futbolchilariga jiddiy qarshilik ko‘rsatishga harakat qilamiz.

Qatar bilan bellashuvda ko‘plab muxlislar bo‘ladi. Jamoa bu bosimga qay darajada tayyor?

Stadionda muxlislar to‘la bo‘lsa bu yaxshi. Xuddi “Bunyodkor” stadionida o‘ynaganimizdek muxlislardan energiya olib, harakat qilamiz, - dedi Odilbek Hamrobekov.