Nukusda kattalar oʻrtasida belbogʻli kurash boʻyicha mamlakat chempionati oʻtkazildi

Жорий йилнинг 1-4 апрель кунлари Нукус шаҳридаги олимпия ва паралимпия спорт турларига тайёрлаш марказида белбоғли кураш бўйича эркаклар ва аёллар ўртасида Ўзбекистон чемпионати беллашувлари бўлиб ўтди.

Спорт вазирлиги ҳамда Белбоғли кураш федерациясининг йиллик-тақвимидан ўрин олган жорий йилнинг илк бор ташкил этилган  мамлакат чемпионатида 300 нафарга яқин полвонлар иштирок этди. Мусобақанинг биринчи кунида тантанали очилиш маросими ўтказилди. Маросимда сўз олган Қорақалпоғистон Республикаси спорт вазири Еркинбай Қутибаев, белбоғли кураш федерацияси бош котиби Абдухалил Маликовлар спортчиларни қутлаб, уларга омад тилашди. 

Муросасиз ўтган уч кунлик беллашувларда қуйдаги полвонлар ўз вазн тоифаларида олтин медалларни қўлга киритишди.

Белбоғли кураш эркин йўналиши:
52 кг.  Муҳаммадюсуф Жакбаралиев (Андижон), 57.кг Акбаржон Собиржонов (Андижон), 62 кг. Жамолиддин Неъматуллаев (Наманган), 68 кг. Абутолиб Маҳкамов (Навоий), 75 кг. Диёрбек Полвонбоев (Фарғона), 82 кг. Сардорбек Содиқжонов (Наманган), 90 кг. Дилшодбек Ойбеков (Сирдарё), 100 кг. Сарвар Икромов (Навоий), +100 кг. Ўринбой Абдусаматов (Фапғона). 
Белбоғли кураш йўналиши: 52кг. Исабек Бейсенбаев (Қорақалпоғистон), 57 кг. Нусратулоҳ Озодбеков (Андижон), 62 кг. Асадбек Маматалиев (Наманган), 68 кг.Камронмирзо Исмоналиев (Наманган), 
75 кг. Ойбек Султонов (Андижон),  82 кг. Бекзод Абдураҳмонов (Тошкент в.), 90 кг. Бекзодбек Камолиддинов (Андижон), 100 кг. Зайлобиддин Ортиқов (Тошкент),+100 кг. Аъзамжон Анваржонов (Андижон).

Аёллар. 
Белбоғли кураш эркин йўналиши:
48кг. Гулсанам Солиева (Фарғона), 52 кг. Арофатхон Муҳаммадова (Андижон), 58 кг. Манзураой Мўйдинова (Фарғона), 66 кг. Севара Саженова (Қорақалпоғистон), 70 кг. Земфира Азатова (Қорақалпоғистон), 76 кг. Мухлисабону Ўролбоева (Тошкент), +76 кг. Ўғилой Салимова (Фарғона). 

Умумжамоа ҳисобида энг кўп медаллар билан Андижон вилояти полвонлари биринчи бўлишди. Иккинчи ўринни фарғоналик полвонлар қўлга киритган бўлса, учинчи ўрин Наманган вилояти полвонларига насиб этди. Беллашувлар якунида кучли учликдан  жой олган полвонлар диплом, медаль ва эсдалик совғалари билан мукофотланишди.

Таъкидлаш жоиз, мазкур чемпионат спортчиларни миллий терма жамоа сафига саралаш вазифасини ҳам ўтаб берди. 

Илҳом РАҲМОНОВ тайёрлади