“Navbahor”ning sobiq murabbiyi Ronalduni nimalar kutayotganini aytib berdi

“Navbahor” bosh murabbiyligidan iste’foga chiqarilganidan beri ishsiz yurgan Andrey Kanchelskis Portugaliya terma jamoasi hujumchisi Krishtianu Ronalduga Saudiya Arabistonidan bo‘layotgan chorlovga munosabat bildirdi.

Ma’lumki, “An-Nassr” klubi 37 yoshli hujumchiga 2,5 yarim yillik shartnomasi va har mavsum uchun 200 million evro pul taklif qilyapti.

- Ronalduga endi katta klublardan taklif bo‘lmaydi. Ertami-kechsi Ronalduning davri ham yakunlanadi. Shunday bo‘lsa-da, boshqa joylarga o‘ynagani ketadi. U futbolni yaxshi holatda tugatadi. Saudiyada o‘ynashning nimasi yomon?, – dedi Andrey Kanchelskis.

Ronaldu jahon chempionatida o‘ynayotganlar orasida jamoasi bo‘lmagan yagona futbolchi hisoblanadi.