"Navbahor" yagona gol evaziga g‘alaba qozondi

Dubayda shug‘ullanayotgan "Navbahor" o‘rtoqlik uchrashuvlaridagi ketma-ket uchta mag‘lubiyatdan so‘ng bu safar g‘alaba qozondi.

Xitoy Superligasi vakili, o‘tgan mavsumda bronza medalini qo‘lga kiritgan “Chengdu”  (Chengdu) jamoasiga qarshi o‘tkazilgan bellashuvda  “lochinlar”ning qo‘li baland keldi - 1:0. 

Yagona gol Navro‘zbek Iminjonov hisobiga yozildi. 

"Navbahor" tarkibi: Shukron Yo‘ldoshev, Sergey Karpovich, Gilermo Gedesh, Saidazamat Mirsaidov, Igor Gabriel, Benjamin Teddi, Abbos G‘ulomov, Sherzod G‘ulomjonov, Shahzod Ubaydullaev, Shohmalik Komilov, Po‘latxo‘ja Xoldorxonov. 

Zaxiradan maydonga tushganlar: Umidjon Ergashev, Shahzod Toirov, Mirzohid  G‘ofurov, Ruslanbek Jiyanov, Zabihillo O‘rinboev, Navro‘zbek Iminjonov.

"Navbahor"ning BAA yig‘ini doirasidagi so‘nggi nazorat bahsini 9 fevral kuni BAAning “Royal” (Dubay) jamoasiga qarshi o‘tkazishadi.