MYu yana Risharlisonga qiziqish bildira boshladi

"Manchester Yunayted" klubi "Everton" vingeri Risharlisonga yana qiziqish bildira boshladi. Bu haqda Daily Mail nashri xabar bermoqda.

Yuqoridagi manbaaga ko‘ra 22 yoshli braziliyalik futbolchi “qizil iblislar”ning yaqin 2 ta transfer oynasidagi asosiy transfer nishoniga aylanadi.

Ma’lumot uchun, Risharlison joriy mavsum “Everton” safida 23 ta o‘yinda maydonga tushdi va 8 ta gol hamda 3 ta golli uzatmaga mualliflik qildi. Uning “irischilar” bilan amaldagi shartnomasi 2024 yilga qadar imzolangan, transfer narxi esa 60 mln evroga baholanmoqda.