MYu O‘rinboevning jamoadoshiga yangi taklif jo‘natdi

"Manchester Yunayted" "Antverpen"ning 23 yoshli darvozaboni Senne Lammens uchun shaxsiy shartnoma shartlari bo‘yicha taklifni yaxshiladi. Bu haqda The Telegraph xabar bermoqda.

Manbaga ko‘ra, agar belgiyalik posbon yaqin vaqt ichida "qizil iblislar"ning shartlariga rozi bo‘lsa, transfer oynasi yopilgunga qadar tibbiy ko‘rikdan o‘tishga ulguradi. Shu bilan birga, "Manchester Yunayted" "Antverpen"ning futbolchi uchun 20 mln funtdan (23 mln evro) ko‘proq talab qiladigan shartlarini ham bajarishi kerak.

Lammens 2023 yilning yozidan beri "Antverpen"da o‘ynamoqda. O‘tgan mavsumda darvozabon barcha musobaqalarda 44 ta o‘yinda maydonga tushib, shundan 10 tasida darvozasi daxlsizligini saqlab qoldi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 9 mln evroni tashkil etadi.