"Milan" Donnarummani sotib yuboradi

"Milan" darvozaboni Janluiji Donnarumma tez orada jamoasini o‘zgartiradi. Bu haqda Football Italia nashri xabar tarqatmoqda.

Yuqoridagi manbaaga ko‘ra “rossonerilar” Chempionlar ligasi yo‘llanmasini qo‘lga kirita olishmagach, 20 yoshli posbonni sotib yuborishga majbur bo‘lishmoqda.

Ma’lumot uchun, Donnarumma joriy mavsum “Milan” safida 39ta o‘yinda maydonga tushdi va o‘z darvozasidan 32ta gol o‘tkazib yubordi. Uning narxi 50 mln evroga baholanmoqda.