Futbolchimiz Messining ta’zirini berganda mazza qilganman!

“Liverpul”ning darvozabonlar bo‘yicha sobiq murabbiyi Jon Axterberg Argentina terma jamoasi yulduzi Lionel Messini keskin tanqid qildi.

- Messining ayrim hollarda takabburlik qilishi menga umuman yoqmaydi. Men uning futbolchi sifatidagi mahoratini yaxshi ko‘raman, lekin jamoamizga qarshi o‘ynaganida juda ko‘p “sho‘ng‘ib”, jarima ishlashga urinardi va nuqtadan bizga gol urardi.

Menga Robertson o‘yinda Messini bir urib, ta’zirini bergan vaziyat juda yoqqan edi, - dedi Jon Axterberg.

Hozir Lionel Messi bir yildan beri boshqa qit’ada to‘p tepmoqda. Jahon futbolida eng ko‘p – 45 ta sovringa ega 37 yoshli futbolchining “Inter Mayami” bilan shartnomasi 2025 yilning 30 iyunigacha davom etadi.