“Men Messi va Suares bilan hech qachon yaqin do‘st bo‘lmaganman!”

“Barselona”dan ketganidan keyin “Sevilya” tarkibiga kelib qo‘shilgan yarim himoyachi Ivan Rakitich kataloniyaliklar etakchilari – Lionel Messi va Luis Suares bilan munosabatlari qanday bo‘lganini gapirdi.

- Men Messi va Suares bilan hech qachon yaqin do‘st bo‘lmaganman. Jamoada 23-24 kishining hammasi bilan do‘st tutinib bo‘lmaydi. Menning yaqin do‘stlarim INesta, ter Shtegen, Boatng va Firpo edi. Lekin men Leoni ham, Luisni ham hurmat qilaman. Ular olti yil davomida jamoadoshim bo‘lgan.  Ular bilan doim yaxshi munosabatda bo‘lganmiz. Ularning ham menga bo‘lgan iliq munosabati uchun minnatdorman, - dedi Ivan Rakitich.

“Barselona”ga Ronald Kuman bosh murabbiy etib tayinlanganidan keyin yoshi katta o‘yinchilar qatorida Ivan Rakitich ham Kataloniyani tark etishga majbur bo‘ldi.