Mavlud Tifiev Tailandni "yondirdi"!

Hamyurtimiz, professional muaytay olamining ko‘zga ko‘ringan vakili Mavlud Tifiev MMA da 3-jangini o‘tkazdi.

Yurtdoshimiz zahira jangchisi sifatida kelib chiqishi marokashlik bo‘lgan va hozirda Niderlandiya sharafini himoya qiluvchi Vail Karraoumiga qarshi bahs olib bordi.

"Warrior Stadium Phuket" ligasida yarim engil vazn (65,8 kg) toifasida bo‘lib o‘tgan jang shiddatli va murosasiz tarzda kechdi. Yakunda esa hamyurtimiz ochkolar evaziga g‘alabani qo‘lga kiritdi.