Magomed Ibragimov turkiyalik raqibiga imkoniyatni boy berdi

"Tokio-2020" dasturidan o‘rin olgan erkin kurash bahslarining saralash bosqichida -97 kg vaznda o‘z yurishini boshlagan vakilimiz Magomed Ibragimov turkiyalik raqibiga imkoniyatni boy berib qo‘ydi. 

Magomed Ibragimov 1/8 finalda turkiyalik Suleyman Qaradenizga qarshi bahs yuritdi va ushbu bellashuv 3:3 hisobida tugadi. So‘ngi ballni turkiyalik sportchi qo‘lga kiritgani tufayli ham Qaradeniz g‘alaba qozondi. 

Endi turkiyalik sportchi finalga chiqa olsa, Ibragimovda bronza medali uchun o‘tish bahslarida ishtirok etish imkoniyati paydo bo‘ladi.