"Liverpul" 3 ta etakchisi bilan shartnomani 2025 yilgacha uzaytirmoqchi

“Liverpul” rahbariyati jamoaning etakchi futbolchilari bilan uzoq yillik shartnoma imzolamoqchi.

Mersisaydliklar darvozabon Alisson, himoyachi Virjil van Deyk va yarim himoyachi Fabino bilan amaldagi shartnomani 2025 yilgacha uzaytirmoqchi. Bu haqda jurnalist Nikolo Skira xabar tarqatmoqda.

Alissonning “Liverpul” bilan amaldagi shartnomasi 2024 yilga qadar, van Deyk va Fabinoniki esa 2023 yilga qadar imzolangan.

Braziliyalik posbon o‘tgan mavsum APLda 33 ta o‘yinda maydonga tushdi va shularning 10 tasida o‘z darvozasi daxlsizligini saqlab qoldi.

Niderlandiyalik himoyachi mavsumning katta qismini jarohati sabab o‘tkazib yubordi va bor yo‘g‘i 5 ta o‘yinda ishtirok etdi.

Braziliyalik yarim himoyachi esa ortda qolgan mavsum premer-ligada 30 ta o‘yinda maydonga tushdi.