Levandovski eng kuchli futbolchi deb topildi

"The Guardian" nashri 2021 yilning eng yaxshilarini aniqladi.

Unga ko‘ra, "Bavariya" klubi va Polsha terma jamoasi hujumchisi Robert Levandovski eng yaxshi futbolchi deb topildi. Sovrin ketma-ket ikkinchi bor unga topshirilmoqda.

2021 yilning eng yaxshi 100 nafar futbolchisini o‘z ichiga olgan reyting 219 nafar ekspert, 24 ta sobiq futbolchi bergan ovoz orqali aniqlanadi. Quyida kuchli o‘nlik bilan tanishing:

1. Robert Levandovski ("Bavariya") – 8481 ochko;

2. Lionel Messi ("PSJ" / "Barselona") – 7830 ochko;

3. Muhammad Salah ("Liverpul") – 7589 ochko;

4. Karim Benzema ("Real") – 7214 ochko;

5. Jorjino ("Chelsi") – 6859 ochko;

6. Kilian Mbappe (PSJ) – 6705 ochko;

7. Erling Xoland ("Borussiya" Dortmund) – 6696 ochko;

8. Krishtianu Ronaldu ("Manchester Yunayted" / "Yuventus") – 6277 ochko;

9. NGolo Kante ("Chelsi") – 6181 ochko;

10. Kevin de Bryuyne ("Manchester Siti") – 5965 ochko.