Kunde "El-klasiko"gacha to‘liq tiklana olmaydi

"Barselona" himoyachisi Jyul Kunde Chempionlar ligasi yarim finalining "Inter"ga qarshi birinchi o‘yinida (3:3) jarohat oldi.

COPE nashri ma’lumotlariga ko‘ra, futbolchining oyoq orqa son mushaklari jarohatlangan — u 6 may kuni "Inter"ga qarshi javob o‘yini va 11 may kuni La Liganing "Real"ga qarshi uchrashuvini o‘tkazib yuborishi mumkin.

Shuningdek, 19 aprel kuni "Selta"ga qarshi o‘yinda son jarohati olgan Robert Levandovskining ham Chempionlar ligasidagi javob uchrashuvida ishtirok etishi noma’lum. Mushak jarohatidan tiklanayotgan Aleks Balde esa maydonga tushishi kutilyapti.