KHL World Games. “Dinamo” - “Spartak” bahsi kutilganidan ham zo‘r o‘tdi (fotogalereya)

22 dekabr kuni Humo Arena muz majmuasida O‘zbekiston xokkey federatsiyasi ko‘magida Minskning “Dinamo” va Moskvaning “Spartak” jamoalari o‘rtasida Mintaqaviy xokkey ligasi muntazam chempionatining xokkey o‘yinlari bo‘lib o‘tdi. Rossiya poytaxtining jamoasi uchun ushbu uchrashuv yana bir muhim sana - klub tavalludining 78 yilligiga to‘g‘ri keldi.
O‘zbekiston KHL o‘yinini o‘z hududida o‘tkazgan 16-davlat hisoblanib, bir vaqtning o‘zida rekord darajadagi - 9405 kishi o‘yinni tomosha qilgani tashrif buyurdi. Shu vaqtgacha KHL World Games o‘yinlari tarixida birorta o‘yinda bundan ortiq muxlis ishtirok etmagan.

O‘yin doirasida turli tadbirlar va qiziqarli uchrashuvlar tashkil qilindi. O‘zbekiston xokkey federatsiyasi maktablarida shug‘ullanayotgan yosh xokkeychilar jahon xokkeyining superyulduzlari va afsonalari - Ilya Kovalchuk, Sergey Fyodorov va Valeriy Kamenskiy ishtirokidagi mahorat darslarida qatnashdilar. Bunday jahon miqyosidagi sport ustalari o‘tkazgan mashg‘ulotlar shubhasiz har bir ishtirokchi uchun ajoyib va unutilmas imkoniyatdir.

Muxlislar uchun ham ko‘plab faol tadbirlar bo‘lib o‘tdi. Yuqorida sanab o‘tilgan xokkey afsonalari, shuningdek, mashhur stand-up komik Evgeniy Chebatkov tomonidan dastxat tarqatish, o‘yin davomida ko‘plab tanlovlar muxlislar uchun kutilmagan sovg‘a bo‘ldi. Hatto bir nechta omadlilar ham yangi iPhone 16 egalariga aylanishdi.

Uchrashuv “Spartak” jamoasining 3:2 hisobidagi g‘alabasi bilan yakunlandi. Barcha ishtirokchilar va tomoshabinlarning fikrlariga ko‘ra, match katta taassurotlarga boy bo‘ldi.

Aleksey Morozov, KXL prezidenti:

- Toshkentdagi KHL World Games muvaffaqiyatli o‘tdi - Minskning “Dinamo” va “Spartak” jamoalari ajoyib xokkey o‘yinini namoyish etishdi, tomoshabinlarni chiroyli gollari bilan xursand qilishdi va overtaymda ham ajoyib natija ko‘rsatishdi. O‘zbekiston poytaxtida bo‘lib o‘tgan ushbu uchrashuvga 9405 nafar tomoshabin tashrif buyurgani quvonarlidir - bu KHL World Games tarixidagi yangi rekorddir. Ishonchim komilki, xokkeychilar ham, muxlislar ham bu o‘yindan chinakamiga zavqlanishdi. Biz muntazam chempionatdagi o‘yinlarning qaytganiga juda xursandmiz va yangi mavsumda ushbu an’anani davom ettirishni rejalashtirmoqdamiz.

Quyida matchdan fotosuratlarni tomosha qiling: