"Kattaqo‘rg‘on" oʻz uy uchrashuvlarini Samarqanddagi "Afrosiyob Arena"da oʻtkazadi

"Kattaqo‘rg‘on" klubi Proliga doirasidagi "Aral" jamoasiga qarshi uchrashuvini Samarqand shahridagi "Afrosiyob" Arenada o‘tkazdi.

Klub qisqa vaqt ichida ushbu stadionga viloyat sporti ravnaqi yo‘lida sarmoya kiritib, uni Proliga talablariga mos holatga keltirdi – maydon chimi parvarish qilindi, stadion translyatsiya qilish uchun moslashtirildi. Natijada "Afrosiyob Arena" yuqori  darajadagi futbol uchrashuvlarini qabul qilish imkoniyatiga ega bo‘ldi.

"Kattaqo‘rg‘on" tumanidagi rekonstruksiya qilinayotgan stadion to‘liq tayyor bo‘lgunga qadar, jamoa o‘z uy uchrashuvlarini Samarqanddagi ushbu arenada o‘tkazadi.

Ma’lumot uchun, "Afrosiyob Arena" 2004 yilda Universiada–2004 Respublika talabalar sport o‘yinlarini o‘tkazish maqsadida qurib bitkazilgan.