Kasilyas o‘zi uchun eng yomon ikki "el-klasiko"ni esladi

Iker Kasilyas "el-klasiko"ning ahamiyati haqida gapirdi.

“Har doim va har qanday sharoitda alohida ahamiyatga ega o‘yin. "Barselona"ga qarshi o‘yinlardan birinchisini eslayman. 2000 yil: men 18 yoshda edim va biz 3:0 hisobida g‘alaba qozongandik.

Boshqa tomondan olib qarasak, eng yomon "klasiko"lar qatorida Mourino qo‘l ostida "Kamp Nou"da 0:5 hisobidagi mag‘lubiyat, shuningdek, Messining mashhur taktik o‘zgarishi natijasida 2:6 hisobi qayd etilgan o‘yin", - dedi "Real"ning sobiq darvozaboni.

28 oktyabr kuni "Barselona" La Liganing 11-turida "Real"ni qabul qiladi.