Kambyazo ikki o‘yinga diskvalifikatsiya qilindi

"Yuventus" himoyachisi Andrea Kambyazo "Parma"ga qarshi uchrashuvda (1:0) olingan qizil kartochka uchun ikki o‘yinga diskvalifikatsiya qilindi.

"Corriere dello Sport" nashri yozishicha, bosh hakamning hisobotiga ko‘ra, futbolchi raqib o‘yinchisi Matias Levikaga to‘p o‘yinda bo‘lmagan paytda yuz qismiga zarba bergani uchun jazolandi.

Shu bois, Kambyazo A Seriyaning keyingi ikki uchrashuvini — 31 avgust kuni "Jenoa"ga qarshi va 13 sentyabrda "Inter"ga qarshi o‘yinlarni o‘tkazib yuborishga majbur bo‘ladi.