Jon Jons: "Bu voqea kareramni normal yakunlashga to‘sqinlik qildi"

UFC ning sobiq chempioni Jon Jons avtohalokat sodir bo‘lgan joydan qochib ketganlikda ayblanib, so‘ng bu ayblovlar uning zimmasidan olib tashlangani haqida izoh berdi.

Iyun oyida sportchi avtohalokatga uchragani va voqea joyidan g‘oyib bo‘lgani, mashinada esa mast holdagi yarim yalang‘och ayolni qoldirib ketgani haqida xabarlar tarqalgandi. Biroq, Jon Jonsning advokati yaqinda ayblovlar butunlay olib tashlanganini ma’lum qildi.

“Birinchi navbatda, tuman prokuraturasiga barcha faktlarni sinchkovlik bilan o‘rganib chiqqani va meni to‘liq oqlagani uchun minnatdorchilik bildiraman. Men har doim haqiqat va adolatga ishonganman. Dalillar o‘z-o‘zidan so‘zlaydi. Oddiy haqiqat shundaki, men u erda hech qachon bo‘lmaganman. O‘sha tunda hatto uyimdan ham chiqmaganman va barcha faktlar buni tasdiqladi.

Mening holatimda hali birorta ham haqiqiy dalil yig‘ilmasdan oldin qaror shoshilinch qabul qilingan. Tushunaman, jamoatchilik ko‘z oldida ayblov pozitsiyasi ishonchli tuyulgan bo‘lishi mumkin, ayniqsa mening o‘tmishdagi xatolarimni hisobga olsak. Lekin bu bayonotlar e’lon qilingan vaqtda men sport kareramni yakunlab, dam olishda edi... Bu onni esa yolg‘on ayblovlar qo‘yib, mast holda mashina haydagani va haqiqiy javobgarlikdan qochmoqchi bo‘lgan shaxs o‘g‘irladi.

Umid qilamanki, Albukerke huquq-tartibot idoralari bu shaxsni javobgarlikka tortadi. Bu voqea nafaqat kareramni normal yakunlashimga to‘sqinlik qildi, balki politsiyamizning ham beparvoligiga ishora qilgandek bo‘ldi. Zamonaviy dunyoda birgina yolg‘on ayblov, hali birorta ham dalil ko‘rib chiqilmasdan turib, odamni ko‘p narsadan mahrum qilishi mumkinligi juda achinarli”, - dedi MMA afsonasi Jon Jons.