Jang bekor qilinganiga Usik qanday munosabat bildirdi?

Aleksandr Usik(21-0, 14 KO) WBC kamari sohibi Tayson Fyuri(34-0-1, 24 KO) bilan 17 fevral kuni Saudiya Arabistonining Ar-Riyod shahrida bo‘lib o‘tishi kerak bo‘lgan jangning bekor qilinganiga munosabat bildirdi.

“Men har doimgidek mashg‘ulot o‘tkazardim. Sparringdan so‘ng, jamoam menga Tayson jarohat olganini aytdi. Men esa shunchaki tabassum qildim va mashg‘ulotlarga qaytdim. Xoh kun, xoh tun bo‘lsin – istalgan vaqtda mutlaq chempionlik uchun kurashishga tayyorman. Fyuriga esa tezroq tuzalib ketishini tilayman", – dedi Usik MMA hour da.

Eslatib o‘tamiz, Usik va Fyuri o‘rtasidagi jangning yangi sanani ma’lum — uchrashuv 18 may kuni bo‘lib o‘tadi. O‘tkazilish joyi o‘zgarishsiz qolmoqda.