Jamal Xill: "Aleks Perreyra yilning eng yaxshi MMA jangchisi emas"

Jamal Xill yarim engil vaznda amaldagi UFC chempioni Iliya Topuriya haqida gapirdi.

“Men uchun yilning eng yaxshi jangchisi Aleks Perreyra emas, aksincha, Iliya Topuriyadir. To‘g‘ri, braziliyalik xato tanlov emasdi, u katta janglar o‘tkazdi va ajoyib chiqishlar qildi. Lekin men o‘z fikrimda qolaman”, - dedi Xill "Helen Yee Sports" You Tube kanaliga bergan intervyusida.

Eslatib o‘tamiz, MMA olamidagi yilning eng zo‘rlarini aniqlash marosimida Aleks Perreyra "Yilning eng yaxsht jangchisi" unvonini qo‘lga kiritgandi.