Islom Maxachev Belal Muhammad bilan jang qiladimi?

Engil vazn toifasida UFC chempioni Islom Maxachev (26-1) yarim o‘rta vazn toifasidagi kamar sohibi Belal Muhammad (24-3-1 N/C) bilan jang o‘tkazishi qiyin ekanini aytdi.

"Rostini aytsam, Belalning 77 kg vaznda chempionlikni qo‘lga kiritishi rejalarimni barbod qildi. Hozir u bilan yaqin do‘st bo‘lib qoldik. Bundan tashqari, bizning menejerimiz ham bir” – dedi dog‘istonlik "Mighty" You Tube kanaliga bergan intervyusida.

Eslatib o‘tamiz, Maxachev navbatdagi jangini 19 yanvar kuni "UFC 311" turnirida Arman Tsarukyanga qarshi o‘tkazadi.