Indoneziya bosh murabbiyi: "Ayni shu faktor O‘zbekistonni turnirdagi eng kuchlisi qilib turibdi..."

Ertaga O‘zbekiston U-23 terma jamoamiz Qatar maydonlarida o‘tayotgan qit’a musobaqasining yarim finalida Indoneziya termasiga qarshi maydonga tushadi. Bo‘lajak muhim uchrashuv oldidan matbuot anjumani bo‘lib o‘tdi. Unda raqiblarimiz bosh murabbiyi Shin Tae-Yong quyilagilarni aytdi:

"Hammaga xayrli kech! Bilishim bo‘yicha, Indoneziya 68 yil oldin, ya’ni 1956 yilgi Melburnda o‘tgan Olimpiadada ishtirok etgan. Bu safar tarixni takrorlash vaqti keldi, deb o‘ylayman. 

Menda hech qanday bosim yo‘q, yigitlardan mazkur bosqichga kelganimizdan mamnunmiz. Endigi maqsadimiz - Indoneziya terma jamoasini Olimpiadaga olib chiqish!

O‘zbekiston juda tezkor jamoa, ular himoyadan hujumga va aksincha, hujumdan himoyaga juda tez ko‘chib o‘tadi. Ayni shu faktor ularni bu turnirdagi eng kuchlisi qilib turibdi, deb o‘ylayman. 

Ularni engish uchun bizda yaxshi kayfiyat va omad bo‘lishi kerak. Qolaversa, jamoani har tomonlama munosib tayyorlashimih ham shart. Bu o‘ta katta ahamiyatga ega bo‘lgan to‘qnashuv!", - dedi mutaxassis.