Habib Nurmagomedov Oston O‘runov bilan tushgan suratini e’lon qildi

UFC chempioni Habib Nurmagomedov “Spartak”ning Birlashgan Arab Amirliklarida tashkil etilgan qishki o‘quv-mashg‘ulot yig‘inlariga borib, futbolchilar bilan birga futbol o‘ynagan edi.

O‘shanda Habib va Oston O‘runov birga o‘ynagan jamoa 5:4 hisobida g‘alaba qozongan, legionerimiz uchrashuvning eng yaxshi o‘yinchisi bo‘lgandi.

Habib o‘sha uchrashuvda esdalik uchun olingan suratini e’lon qildi.

Ta’kidlash joizki Habib Nurmagomedovning instagramdagi sahifasini 27,5 million obunachi kuzatib boradi.

Oston O‘runovning o‘zi mavsumning ikkinchi qismini ijara asosida “Ufa”da boshladi.