Grigalashvili "Qizilqum"dan ketdi. Unga Qozog‘iston va Quvaytdan xaridorlar bor

Bir necha yildan beri chempionatimizda to‘p surayotgan gruziyalik Elguja Grigalashvili yangi mavsumda jamoasini o‘zgartiradi. Chunki u “Qizilqum”ni tark etganini Sports.uz muxbiriga ma’lum qildi.

Futbolchini o‘z safida ko‘rish istagini bildirayotgan qator jamoalar bor, Grigalashvili buni tasdiqladi. Jumladan, “Navbahor” bilan ham muzokaralar olib borilayotganini inkor etmadi. Ammo u 2022 yilni boshqa mamlakatda o‘tkazishi ham mumkin. Gap shundaki, Elgujaga Qozog‘iston va Quvayt klublaridan takliflar tushgan. Futbolchi o‘zi uchun eng ma’qul variantni tanlamoqchi.