Fyodor Emelyanenko: "O‘sha g‘alabam men uchun eng muhimi bo‘lgandi!"

48 yoshli rossiyalik afsonaviy jangchi  Fyodor Emelyanenko o‘z faoliyatidagi eng muhim jangni eslab o‘tdi.

"Antoniu Rodrigu Nogeyra ustidan qozongan g‘alabam men uchun eng muhimi bo‘lgandi. O‘shanda u eng kuchli raqib hisoblanardi. Xudoga shukur, yutdim va dunyo reytingida birinchi raqamga chiqdim. Yana Mirko Filipovich bilan bo‘lgan jang ham og‘ir kechgan. Lekin, aslida, eng qiyin narsa — bu jang emas, balki unga tayyorgarlik. Mashg‘ulotlar odamni butunlay holdan to‘ydiradi, oxirgi haftalarda nafaqat jismoniy, balki ma’naviy kurash ham ketadi. Eng asosiysi tushkunlikka tushmasdan oldinga intilishdir", — deya Fyodorning so‘zlarini keltirdi "oskol.city".

Eslatib o‘tamiz, 2003 yil 16 mart kuni Emelyanenko "Pride 25" turnirida Nogeyrani hakamlarning yakdil qaroriga ko‘ra mag‘lub etgandi.