Futzal, Osiyo kubogi. Katta sensatsiya yoxud qo‘shnilarimiz amaldagi chempion Yaponiyani guruhda qoldirib ketdi! (Foto)

Futzal bo‘yicha Tailandda o‘tayotgan Osiyo kubogi guruh bosqich 3-tur uchrashuvlari davom ettirilmoqda. Bugun kun doirasida ikkita uchrashuv yakuniga etdi. 

Unda amaldagi chempion Yaponiya Tojikiston bilan 1:1 hisobida durang o‘ynadi. Shuningdek, Qirg‘iz Respublikasi - Janubiy Koreya uchrashuvida ham murosa ko‘chasi tanlandi - 5:5.

Shu tariqa, Yaponiya terma jamoasi 4 ochko bilan guruhda qolib ketdi. 5 ochkosi bor qo‘shnilarimiz Tojikiston va Qirg‘iz Respublikasi esa keyingi bosqich masalasini ijobiy hal qildi. 

Quyida yakuniga etgan bahslardagi natijalar va 3-turdan keyin "C" guruhidagi holat bilan tanishishingiz mumkin!