Ektor Kuper: Bugun g‘alaba qozonmaganimizda nima bo‘lishini yaxshi bilar edik
- 7-июн 2019, 22:33
- Shahzod
- 8
- Futbol
"Meni mamnun etgan narsa, yangi futbolchilarni kuzatib oldik. Shu bois ularning o‘yini o‘xshamasligi mumkin, ammo men ulardan qoniqdim. Xursandman, yangi futbolchilar natijaga ham o‘z hissasini qo‘shishdi.
O‘yin haqida gapiradigan bo‘lsam, pressing ba’zida o‘xshadi, ba’zida yo‘q. O‘rtoqlik o‘yini o‘tkazishdan maqsad yangi futbolchilarni sinab olish.
Men raqib jamoa futbolchilarining xatosi haqida biror narsa deya olmayman. Gol urilgan vaziyatlar ham aynan bizning pressingizimiz samarasi bo‘ldi. Kuchli raqiblar xatolarni kechirishmaydi. Agarda, Shimoliy Koreya hujum qila olmagan bo‘lsa, futbolchilarimni tabriklasam bo‘ladi. Biroq natija meni alday olmaydi.
Bu qadar ko‘p muxlis keladi deb o‘ylamagan edim. Hayron qoldim. Ularning qo‘llab-quvvatlashi ham bugun futbolchilarga qo‘shimcha kuch bag‘ishladi.
Oldinda Suriyaga qarshi o‘yin kutib turibdi va yangiliklarni sinab ko‘rish uchun vaqt etarli. Ayrim futbolchilar klublarda yaxshi o‘ynashadi. Ular buni terma jamoada ham amalga oshirishlari kerak. Futbolchilar qancha ko‘p gol ursa, men bundan xursand bo‘laman. Raqobat bizga juda foydali bo‘ladi.
Raqibni kuchli yoki kuchsiz deb atash... Tushunaman, lekin bizni ham taqqoslashadi. O‘yinga necha ball qo‘yaman? Bilmadim, ball qo‘ymagan bo‘lar edim. Futbolchilarim bugun o‘zlarini yaxshi his etishdi. Bugun g‘alaba qozonmaganimizda nima bo‘lishini yaxshi bilar edik.
O‘yin 90 daqiqa va undan ko‘proq davom etadi. Birinchi bo‘limda nima ro‘y bergani hammaga ayon. To‘pni markaz orqali olib o‘tishni yoqlamagan bo‘lar edim. Tanaffusdan so‘ng qanotlar orqali o‘ynay boshladik va menimcha, aynan shu jihat g‘alabamiz kaliti bo‘ldi", - deb Kuperning so‘zlarini keltirib o‘tdi SPORTS.uz sayti muxbiri Shahzod Xolboev.