Samarqandning "Dinamo" jamoasi Rossiyaning CSKA jamoasi bilan nazorat uchrashuvida qatnashadi.
"Dinamo" jamoasi mavsum oldi dastlabki xorij yigʻinini 16-29 yanvar kunlari Birlashgan Arab Amirliklarida oʻtkazadi.
Abu-Dabidagi yigʻin doirasida "Dinamo" bir qator oʻrtoqlik uchrashuvlarini oʻtkazishni rejalashtirgan. Jumladan, 25 yanvar kuni Abu-Dabida Rossiyaning 6 karra chempioni CSKA klubiga qarshi xalqaro oʻrtoqlik oʻyini oʻtkazish boʻyicha kelishuvga erishildi.
"Dinamo" Superligada mavsumni 4- oʻrinda yakunlagan boʻlsa, CSKA Rossiya Premyer-ligasi birinchi davrasidan keyin peshqadamdan 4 ochko ortda qolib 4- oʻrinni egallab turibdi.
"Dinamo»ning BAAdagi oʻrtoqlik oʻyinlari haqida yana batafsil maʼlumot beriladi", - deya yozdi Samarqand klubi matbuot xizmati.