Dide Desham: "Jamoadan ko‘nglim to‘q"

Dide Desham Belgiya bilan o‘yin oldidan hushtakbozlik qilayotgan muxlislar, Mbappe va bir qancha jihatlar xususida to‘xtaldi

- Men hushtakni eshitmadim. Ammo tanqidga kelsak, bu o‘yinning bir qismi. Men sodir bo‘layotgan hamma narsaga kirishib ketdim. Bu mening mas’uliyatim.

Bu menga ta’sir qilmaydi. Lekin futbolchilarga, muhitga ta’sir qiladi. Odamlar norozi bo‘lib, hafsalasi pir bo‘lsin, buni namoyish qilishsin. Ammo futbolchilar maydonda bo‘lganida, Frantsiya terma jamoasining manfaati uchun ham bunday gap-so‘zlarga o‘rin yo‘q deb o‘ylayman.

- Mbappening o‘yini sizni xavotirga solmoqdami?

- Kilian o‘zini yaxshi his qilmoqda. Ochig‘i, u deyarli barcha futbolchilar kabi hali 100% tayyor emas. Golsiz davrga kelsak, u o‘ziga nisbatan juda talabchan, gol uradi.

Ehtimol, u juda ko‘p e’tiborni tortadi. Ammo takror aytaman - Frantsiya terma jamoasi u bilan doimo kuchliroq bo‘ladi. Ishonchim komilki, u tez orada o‘zini yaxshi his qiladi. Uning klubi juda yuqori standartlarga ega. Terma jamoada u o‘ynamasa ham sardorlik bog‘ichi rolini to‘liq o‘z zimmasiga oladi" , - dedi Frantsiya terma jamoasi bosh murabbiyi.