Dias Ispaniya terma jamoasidan chaqiruv oladi

Ushbu mavsumni "Real" tarkibida ko‘taringki kayfiyatda o‘tkazayotgan Braim Dias Ispaniya terma jamoasi uchun maydonga tushishi mumkin. 

"Relevo" nashri xabar berishicha, "qizil furiya" bosh murabbiyi De La Funte yarim himoyachining xizmatlaridan foydalanmoqchi va uni keyingi FIFA kunlari uchun jamoa qaydnomasiga kiritmoqchi. 

Eslatib o‘tamiz, Diasni Marokash terma jamoasi o‘z safiga qo‘shib olish uchun harakat qilayotgandi. Ammo Braim hali so‘nggi qarorni qabul qilmagandi. 24 yoshli futbolchi 2021 yilda Ispaniyadan chaqiruv olgan va bitta o‘yinda maydonga tushgan.