Bu vunderkind ko‘p gol urmoqda

Yosh iste’dodlarni topishda katta tajribaga ega “Borussiya” skautlari klub rahbariyatiga “Vest Bromvich” yoshlar jamoasida porlayotgan Reyes Klirini olishni tavsiya qilmoqda.

17 yoshli hujumchi yoshlar jamoasida beshta uchrashuvda maydonga tushib, raqiblar darvozasini sakkiz marotaba aniq nishonga olganidan keyin uning xaridorlari ko‘payib ketdi.

Dortmundliklar yosh to‘purarni qo‘lga kiritish uchun Angliya klubiga 20 million evro to‘lashi kerak bo‘ladi. Reyes Kliriga “Borussiya”dan tashqari “Xoffenxaym” klubi ham og‘iz solmoqda.