Boks. Osiyo chempionatining ilk kunini ajoyib tarzda o‘tkazdik!

30 iyuldan 12 avgustga qadar Tailandning Bangkok shahri 22 yoshgacha bo‘lgan bokschilar va yoshlar o‘rtasida Osiyo chempionatiga mezbonlik qiladi.

Bugun yoshlar ishtirokidagi bahslarda vakillarimizdan 7 nafari ringga ko‘tarildi.

-48 kg da Maftuna Musurmonova kunni g‘alaba bilan boshlab berdi, bokschi qizimiz Saudiya Arabistoni vakilasi Alanud Alghamdini 5:0 hisobida mag‘lub etdi;

-54 kg da Muslima Turg‘unova hakamlarning qarorlariga ko‘ra qozog‘istonlik Janel Imantaevaga 2:3 hisobida imkoniyatni boy berib qo‘ydi;

-57 kg da Robiya Ravshanova Janubiy Koreya vakilasi Yubeen Seoni 3:2 hisobida engdi;

-50 kg da Odilshox Halimov hindistonlik Akash Badvar ustidan 4:1 hisobida ustun keldi;

-75 kg da Muhammadjon Yaqupboev Eron bokschisi Amirmahdi Sabziga hech qanday imkoniyat qoldirmadi - 5:0;  

-80 kg da Norbek Abdullaev hindistonlik Lokeshni 3:2 hisobida mag‘lub etib, keyingi bosqichga yo‘l oldi;

+80 kg: Islam Salihov Qozog‘iston vakili Beksultan Kairatulini ochkolar evaziga taslim etdi.